❓ 常見問題

購票後保存好你嘅收據（電子或實體），並確認活動日期、時間。活動當天帶住收據嚟售票處，職員核實後就會為你安排活動——就咁簡單。

網上預約不設截止——開班日即日預約都得（滿額即止）。手作體驗（茶粿、古法鹹魚醃製）因為要備料，須最少 2 天前預約。太遲想報名？直接 WhatsApp 我哋查詢，有位一定幫你安排。

網上預約可喺購物車直接網上付款（信用卡，經 Stripe 安全付款頁；多項訂單會由售票處確認後發一張總付款連結）。到場售票處收現金、Alipay（支付寶）、WeChat Pay（微信支付）、八達通；總額超過 $200 仲可以用信用卡。島上部分小店只收現金，建議帶少少傍身。

一經預訂，門票恕不能取消、退款或轉讓。不過如果當日懸掛三號或以上強風信號、紅色或黑色暴雨警告（集合時間前 3 小時計），活動會自動取消，受影響客人可免費改期或選擇其他活動——唔會因為天氣蝕底。

大人揀自由遊門票（成人 $90／優惠 $70）＝入場＋來回接駁船＋無鈎釣魚體驗；一家大細就最着數係自由遊特惠套票（成人 $138／小童及長者 $118）——仲要多遊戲卡 5 張＋特色食品 1 份，夠玩大半日。

遊戲卡 $10／張，係場內體驗活動嘅換購券——釣魚、餵大魚、風箏、DIY 手作、棉花糖等部分活動要用。當日或即場購買；網上預購或團體預購有時有優惠，詳情向我哋查詢。

係簡單嘅漁村小食，例如冰菠蘿、魚蛋、燒賣等（款式按當日供應）。注意：蝦蝦酥唔屬呢一份——想食可以到場加購或預訂手信。

三條公共航線＋一條專船：中環 4 號碼頭搭港九小輪直達索罟灣；香港仔海濱碼頭搭全記渡（途經模達灣）；天虹海鮮酒家客人可以喺中環 9 號碼頭或尖沙咀九龍公眾碼頭 5 號搭天虹專船（只供天虹客人，須提前預約）。船程約 35–40 分鐘，班次請到各渡輪公司網站查詢——交通頁有齊連結。回程船票唔使預先買，現場買就得。

售票處就在碼頭旁，下船步行約一分鐘——地址「南丫島索罟灣第一街 5 號地下」（地圖搜尋呢個地址就搵到，Google Map 位置）。售票處係岸上集合點；文化村魚排喺海中心，坐免費接駁船約 5 分鐘就到。

由索罟灣碼頭開出，通常約 5–10 分鐘一班（實際按當時碼頭情況），船程約 5 分鐘。每批上限 15 人（一艘船），人多會分批上——門票已包來回，唔使額外畀錢。

榕樹灣同索罟灣之間冇公共渡輪。兩個方法：① 島內私營舢舨（單程約 $700 起，每程上限 15 人，適合多人夾份）；② 沿家樂徑步行往來，約 60–90 分鐘，當行山順便睇海景。

星期一至五 10:15–17:00；星期六、日及公眾假期 10:15–18:00。逢星期三同大年初一休息（公眾假期照常開放）。售票處兌換時間係 10:15–17:00。

2 歲以下免費，唔使買票。門票分成人（12–65 歲）同優惠（11 歲或以下及 65 歲以上）兩種，詳情見買門票頁。

我哋係政府許可嘅釣魚場地。釣魚老手歡迎自攜釣具；新手或遊客可以揀含釣具同魚餌嘅釣魚門票，咩都唔使帶。想輕鬆體驗？無鈎釣魚 $10／次（用遊戲卡），唔會傷到魚，大人細路都玩得。

魚排有兩個釣魚區域：喺大海區域釣到嘅魚獲，免費帶走；喺特定養殖區釣到嘅魚獲就按種類收費——落桿前問清楚職員就得。

有！初心釣魚學習班每月只開一班（星期六或星期日），約 2.5–4 小時，$280 起／人。班次唔密，想上就要留意導覽頁嘅最近開班日提早報名。

DIY 材料包 $40／款（貝殼、萬花筒、風鈴、太陽帽、小船等，不定期更新）。手工藝進階版：茶粿製作 $160／位、古法鹹魚醃製 $180／位（約 35 分鐘，專人指導，成品可帶走，須 2 天前預約）。開班時段：平日 10:15–11:00、13:00–14:00；六日及假期 10:15–11:00、13:30–14:30、16:30–17:30。

有！黃雨、一號風球基本上照常開放，室內手作體驗照開——落雨都有的玩。若集合時間前 3 小時懸掛三號或以上強風信號、紅色或黑色暴雨警告，當日活動自動取消，可免費改期。

魚排上有特色漁民午餐同小食（約 $70–$168／人），即場光顧唔使預訂；想食海鮮大餐，合作嘅天虹海鮮酒家海鮮套餐約 $170 起／人。團體訂餐請喺報價時一齊安排。

有！索罟灣係海鮮聞名嘅漁村——售票處附近有兩三間茶餐廳、四五間海鮮酒家，全部步行範圍。想食海鮮我哋通常推薦天虹海鮮酒家，人流多海鮮自然新鮮流轉。

建議舒服防滑嘅鞋（上落船同行魚排）、防曬用品（帽／太陽油）同飲用水；釣魚記得自備釣具（或者加購）。天氣唔穩定就帶雨具。

魚排四萬幾呎，喺海中心間中會有海浪令排面輕微移動——正常行走絕對安全，好多長者團都玩得好開心。只係提醒小朋友唔好亂跑。如需要輪椅協助或長者同行，預先話我哋知，會安排人手。

本公司已購公眾責任保險；建議參加者按需要自行購買個人旅遊保險。如有嚴重疾病或特別健康需要，請預先告知，我哋會作適當安排。

得！買手信頁有烘焙糕點、海味乾貨同漁村精品。三種取貨方式：① 到場取貨——同門票一齊喺售票處攞，預訂保證有貨、免排隊（推薦！）；② 文化村自取；③ 順豐寄付——運費 $30，買滿 $300 免運費。

團體有專屬行程同團體價：填團體查詢表格或者 WhatsApp 直接搵我哋，1–2 個工作日回報價；60 人或以上大團請提早預約。