1
揀產品門票／導覽／手信
→
2
揀日期人數毋須註冊會員
→
3
提交確認WhatsApp 或網上提交
主推產品 ｜ 一睇就明
全部含索罟灣碼頭↔文化村來回接駁船。
索罟灣｜全港最大養魚區
潛入南丫 睇真嘅海底
全長 15m・由水面之上到沙下世界——慢慢捲落去，南丫呢片海嘅真實嘢，逐層話你知。
水面之上｜出發點
先企高啲・望勻成個索罟灣
喺海中心回望：成個索罟灣同南丫島嘅山景盡入眼簾。往下滑，我哋開始落水。
水面 0m｜魚排構造
踏上四萬呎海上田園
浮筒、棧橋、網箱——香港魚排三大件。你買嘅門票，企嘅就係呢片全港最大養魚區之一嘅魚排。
水下 1m｜陽光層
綠色水森林
海藻要做光合作用，所以愈多陽光嘅淺水愈茂盛；小銀蝦同細魚群就喺光影之間游嚟游去。
水下 2m｜天然濾水器
一日過濾 30 公升嘅工人
青口附生喺養魚網上，每隻每日過濾 30 公升海水，仲會食埋水中有機廢物——佢哋係魚排嘅天然濾水器（漁護署研究數據）。
水下 3m｜明星魚
同阿躉打聲招呼
龍躉同石蚌嘅地頭：體型最大嘅養殖魚喺網箱深處巡游，石蚌成群搶食——到場你可以親手餵。
水下 4m｜活化石育嬰區
四億年嘅 BB
淺水泥灘係馬蹄蟹 BB 嘅育嬰區：呢個品種 4.75 億年冇變樣、比你早 2.3 億年出現；一隻 BB 長大嘅機會只有萬分之一，佢哋嘅藍血仲會用嚟救人（醫療檢測用嘅鱟試劑）。
水下 6.5m｜季節貴賓
全港唯一・海龜嘅產房
南丫島深灣係香港唯一綠海龜上岸產卵嘅地方——夏夜先返嚟，仲係佢哋出世嗰個沙灘。政府劃咗限制區保護，所以見唔到唔奇；知道呢個秘密先係最正。
水下 8m｜群游層
銀光風暴
馬友同金鼓成群巡游，陽光穿過網箱喺鱗片上流動——呢個深度係魚群嘅生活層。
水下 10m｜夏夜獵手
追光而嚟嘅夏夜獵手
墨魚貼住海床生活，夏天夜晚追住燈光嚟——所以南丫島先會係香港夜釣墨魚嘅熱點，我哋嘅「墨魚夜釣」就係咁玩。
水下 12m｜海床
害羞蟹嘅沙面居
石蟹同饅頭蟹（害羞蟹——舉起大鉗遮住塊面，日頭匿沙夜晚先出動）、龍蝦匿石隙、海星慢慢爬，全部住喺呢片沙面。
水下 15m｜沙下世界
沙入面嘅隱世高手
花螺日伏夜出，識得潛入十幾米深嘅沙泥度匿埋；嗅覺超強——1 米外嘅食物 23 秒就感應到。網上搵唔到唔緊要，到場我哋俾你摸真嘅。
季節活動 ｜ 四季都有的玩
🌿
春天
海草採摘
🐉
夏天
端午龍舟
🦀
秋天
捕蟹季節
🐟
冬天
鹹魚製作
🌧️ 落雨都有的玩——室內手作體驗（咸柑桔／DIY／馬賽克）照常開放，惡劣天氣安排見天氣政策。
真嘅南丫人 ｜ 資深導賞團隊
我們的資深導賞員對南丫歷史文化與海洋生態有深入了解——無論想了解漁民文化或生態旅遊，要品嚐地道美食還是豐富海鮮，都有專人同行。
20 年以上舉辦團體活動經驗，曾接待數以千計的團體。